تبلیغات
سرعین بهشت نزدیک - سرعین
تاریخ : سه شنبه 23 خرداد 1391 | 11:59 ق.ظ | نویسنده : میثم بهراد

داش بولاغیندان آخیر باده وحدت سرعین

بال دوداغین سَپلیر عالمه شربت سرعین

آنا تك كولگه سالیبسان باشیما شام وسحر

سنی دورانه چكیب عشق ومحبت سرعین

ایستی قوینوندا تاپیب نشو ونما توركی دیلیم

سنه سندن سوزآچیر گوللوطبیعت سرعین

سنه زردتشت قالاسی آینا كیمی سالمیش ایشیق

آچدی وصفینده قلم عالمه صحبت سرعین

نورساچیرسانكی گونش «سیدابوالقاسم» عیان

دمده هرقلبه سالیر نور ولایت سرعین

گونده میلیون قوناغا عشقیله حورمت قیلیسان

اولموسان یوردوم آذربایجانا جنت سرعین

بو بهشتی سولارین عالمه یایمیش آدینی

پادشاهلاردی چكیر وصلینه مینت سرعین

اون مین ایل عؤمرائله ییب سن قوجا دونیاده جوان

سنه صراف تاپیلماز وئره قیمت سرعین

«ساوالان قارتالییام» عشقیم امیدیم سن سن

پارلاییر جام جمالیندا حقیقت سرعین !

             

   شاعر:رحیم اسداللهی