تبلیغات
سرعین بهشت نزدیک - یاغیش یاغیر
تاریخ : پنجشنبه 8 تیر 1391 | 11:05 ب.ظ | نویسنده : میثم بهراد

یاغ آی یاغیش یاغگینان سن ، سنه احسن ، سنه آلقیش

یاغگینان سن بو چوللره چمنلره یاغگینان سن

سوسوزلوقدان خزان اولان چیچکلره یاغگینان سن

یاغگینان سن آرزیلارا دیلکلره یاغگینان سن

محبتدن آلولانان اورکلــــــره یاغگینان سن

یاغگینان سن یاغا ، یاغا ایسلادگینان پالتاریمی

قایتار منه گنجلیکد کی اوز عهدیمی- ایلقاریمی

اله یاغ کی قوی ایسلانسین الیمدکی قلم ،واراق

یادیمدادی نئجه یاغدین دوز اوتوز ایل بوندان قاباق

اله گوزل یاغمیشدین کی ایسلانمیشدی اوز گوزوموز

اوتورموشدوق قالا آلتیندا بیر آغاجین آلتیندا بیز

سن یاغدیقجا دامجیلارین سپیلیردی اوزوموزه

ایکیمیزده ایستمیردیک دوروب گئدک اویمیزه

قورخوردوق کی دوروب گئدسک خلل گلر سئوگیمیزه

سن بیر شعئیر سن کی ، سن بیر نغمه سن کی

آغزین یوخدی دیلین یوخدی نئجه دییم بیلسن کی

سن یاغاندا یاماجلارا دوزنلره جان وریرسن

زمیلرده سونبوللرین دامارینا قان وریرسن

یاغ آی یاغیش قوربان اولوم سحرجگ یاغگینان سن

دایانمادان قالا آلتیندان شهرجگ یاغگینان سن

یاغگینان کی گیله جه ده شوران دوزلرده چیچک آچسین

بواولکدن بو دیاردان غصه کدر اوزاق قاچسین

یاغا یاغا نه اولار کی خبر آپارسئوگیلیمه

آمان گوندی بو حالیمی بو گونومی اونا دئمه...