تبلیغات
سرعین بهشت نزدیک - چکیرم عذاب اذیت خبرین یوخدی سنین
تاریخ : چهارشنبه 11 مرداد 1391 | 12:46 ب.ظ | نویسنده : میثم بهراد

خبرین یوخدی وفاسیز! خبرین یوخدی سنین

 

      منی سن ترک ایلدین، ائشیتمدین سؤزلریمی                       

      گئجه لر آقلایوپ قوجاخلویورام دیزلریمی

      چون سنی گؤرنمیرم، سوزدورورم گؤزلریمی                        

      ائوپورم شکلیی خلوت، خبرین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین

 

       چکیرم ناله و فریاد، سنه تعجبلی گلیر                              

       ائدیرم کونلومو بر باد، سنه تعجبلی گلیر

       قازوپ بو داغلاری فرهاد، سنه تعجبلی گلیر                    

       حقیقی سئوگیدن البت خبرین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین

 

      آماندی! بسکی کولک داغوتدی چمن لیگیمی                  

      داها من اونوتموشام شادلوقومو، شنلیگیمی

      سنین او عشوه لرین مندن آلوپ منلیگیمی                    

       من محو الورام نهایت خبرین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین

 

      بو نئجه فیکیر منده دیر، دوشوندیم ائوز ائوزومه            

      من ساده اینانموشام سنین هامو بیر سؤزونه

      بیر زامان اوز به اوز گلنده باخمادیم اوزووه                 

     گؤز یاشیم وئرمدی فرصت خبرین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین

 

     یازدوقوم شعیرلرله گؤز یاشیمی قوروتموشام               

     هر نه"سنی" یازان زامان سنی فیکریمده توتموشام

     آدووی دا یازمیرام دوشونمه که اونوتموشام              

    ائده بیلمیرم جسارت خبریین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین

 

       نیه ظالیم سن آقارتدون ساچومون قاره لرین؟                 

       سببی سن سن اوره ییمده اولان یاره لرین

      بسکی توکدون قانی نی عاشیق بیچاره لرین                  

     اله ییر سن بونا عادت، خبرین یوخدی سنین

 

چکیرم عذاب اذیت خبرین یوخدی سنین

خبرین یوخدی وفاسیز! خبرین یوخدی سنین