تبلیغات
سرعین بهشت نزدیک - بیر نامه یازدیم
تاریخ : پنجشنبه 1 اسفند 1392 | 12:16 ق.ظ | نویسنده : میثم بهراد

بیر نامه یازدیم باد صبا یاره یتیرسین

شرح غمی اول بوت خونخواره یتیرسین

هیجران المی سالدی آیاقدان من زاری

داروی وصالین من بیچاره یتیرسین

صبریم کسیلیب،یار منیم جانیمی آلسین

یا شاد ائله سین وصل ایله دیلداره یئتیرسین

دونیاده و عوقباده گوروم مطلبه یئتسین

هر کس منی اول یار وفاداره یتیرسین

بیر یول ورین ای محنت هیجران کی پیامیم

تا باد صبا اول گول گولزاره یتیرسین

یوز حسرتیله بو دیل هجرانه گیرفتار

عزم ائتدی اوزون اول گول بی خاره یتیرسین

گل تاری اوچون بونجا سیتم ائله مه اظهار

قوی یاره اوزون بو دیل آواره یتیرسین

بیکس لئیمه رحم ائیله سین خالیق

بی چون حیران او شهبازه دیگر باره یتیرسین

شاعره:حیران خانم