تبلیغات
سرعین بهشت نزدیک - منیمدیر سرعین
تاریخ : جمعه 23 دی 1390 | 12:00 ق.ظ | نویسنده : میثم بهراد

upsara

یام یاشیل جنت اعلی چمنیمدیر سرعین

سئویرم دوغما دیاریم وطنیمدیر سرعین

گوز آچاندان بویئری طور تجلادی منه

گوزومون نوریدی بیت الحزنیمدیر سرعین

باغبانلاری باسیب باغرینا مدهوش ائله ییب

عطری اعجاز ائلیین یاسمنیمدیر سرعین

ائل اوغوزلار نوه سی قورقودون ائولادی منم

بیلسین عالم بوسوزی ،تکجه منیمدیر سرعین

گون باتان گون چیخان عالمده قوناغیمدی منیم

بیر ارم باغیدی ملک عدنیمدیر سرعین

تورپاغیندان نفسی آلسادا سلطان ساوالان

یازدا بیر بولبولی شیرین سخنیمدیر سرعین

وارث آل قلم سینه سی اوستونده گزیر

مرد اوغوزلار اوجاقی بت شکنیمدبر سرعین

تخت جمشیده باخیب جام جمه طعنه چالیر

یالتاغین دهریده صبرین کسنیمدیر سرعین

باشینا تاجی قویوب عشوه ساتیر گوی چمنه

گوللره قیمت آلان نسترنیمدیر سرعین

درویشه وئردی قلم تورکی دیئیوب تورکی یازا

دیریلیکدیر منه،اولسم کفنیمدیر سرعین  

                                                          استاد رحیم اسد اللی