تبلیغات
سرعین بهشت نزدیک - ایسته میره م
تاریخ : یکشنبه 9 بهمن 1390 | 11:36 ب.ظ | نویسنده : میثم بهراد

گئت، گولوم، گئت منه سن جان اولاسان ایسته میره م


عشوه لی، سئوگیلی جانان اولاسان ایسته میره م


بیرده گوز یاشی توکوب، کویونا گه لممم گوزه لیم


گوروب احوالیمی خندان اولاسان، ایسته میره م


بیوفالیقدا بوتون عالمه مشهور اولدون


سن اگر حوری و غلمان اولاسان ایسته میره م


وورموسان سینه مه مین یاره کفایتدی منه


بو سینیق کونلومه درمان اولاسان ایسته میره م


بیوفاسان دگیلم راضی اولندن سونرا


قبریم اوستونده نگهبان اولاسان ایسته میره م


پیس گونومده منی سالدین نظریندن گئتدین


یاخشی گونده منه مهمان اولاسان ایسته میره م


قیمتینی بیلمه دین، اینجتدین اونو واحدین


ائله کی، اولدو پشیمان اولاسان ، ایسته میره م