تبلیغات
سرعین بهشت نزدیک - گل منی غمدن قوتار دائم قدح نوش اولمـــوشام
تاریخ : دوشنبه 17 بهمن 1390 | 11:37 ب.ظ | نویسنده : میثم بهراد

گل منی غمدن قوتار دائم قدح نوش اولمـــوشام

من خرابات اهلیـــــم مستیله مدهوش اولموشام


دور بی گل میخــــــانیه پیمانمــه پیمــــــــــانه وور

بیرسوروش احوالیمی چوخدان فراموش اولموشام



قویما دوشسون اعتباریم گون به گون گویدن یـــره

من ادب دریاسینیــــــن لوحینــده منقوش اولموشام


آشنالیــــــق دوره سی افسوس بیر افســـــــانه دور

منده بو افســــــانده بیر نقطه ی جوش اولمـــــوشام


سسلنور اینــــــــــدی موذن الصلاتون وقتیــــــــدور

ترک ائدوب میخانه نی همرنگ چاووش اولموشام


چوخ زماننان دور منیم قلبیمــــــــده بیر تابوتسان

ماتمونده باتمیشـــــــام درده سیـــــه پوش اولموشام


حیف اوگونلــــــردن ساتاردی عشوه دلبـــر، دلبره

مختصر عقلیــــــم چاشوب بیزار آغوش اولمـــوشام


یاندی شمعیم صبحه جک یاندیردی هم پروانه نی

شیریه جانیــــــم قوتولدی ایندی خاموش اولمیشام


عاقبت خــــــــالق گرک سنن منی دیـــــــوان ائـــده

سن لباس عافیت ده من کفــــــن پوش اولمـــــوشام


صادقـــــا بسدورز غزل سوزیله یاندیردون منی

قوی چیخام دریای غمدن عافیت کوش اولموشام