تبلیغات
سرعین بهشت نزدیک - شیرین دیللی آنادان
تاریخ : چهارشنبه 20 اردیبهشت 1391 | 11:52 ق.ظ | نویسنده : میثم بهراد

 

عهد ائدمیشم داها عشقدن آز دئیم

مجبور دیلم واری غملی سؤز دئیم

قلم سنده قولاق دوتوب یاز دئیم

محبتلی شیرین دیللی آنادان

اوزو قشنگ سؤزو بللی آنادان

یاز تا دئیم من عرصه گلممیش

الفت رنگی صحبت بویی بیلممیش

غنچا گولوم هیچ بولبولا گولممیش

بیر سندینگ منه اؤرگدینگ گولمگی

شادلیقینان محنت فرقی بیلمگی

سن ننیمه غونچا گوللر باغلادینگ

نه ذوقونان منی یاخچی ساخلادینگ

آغلایاندا غمگین اولوب آغلادینگ

اویاق چاغی بالیشت ییغیب اوتوردونگ

یادماگ وقتی لالا دئیب یاتیردینگ

اول منه آنا دئمگ اورگدنگ

شیرین جاندان شكر سمگ اورگدنگ

آرام آرام ایچمگ یئمگ اورگدنگ

اؤز باغچانگدا گول گؤیردن سنیدینگ

غفلت اوخوسون اؤیاردان سنیدینگ

چوخ گئجه لر چیراغ اولدونگ باتمادینگ

یا آی تكین شام تا سحر یاتمادینگ

محبتینگ شمعین خاموش ائدمدینگ

فرق یوخویدو گون و گئجه یانینگدا

یاتماگ فطرت اولموش سنینگ جانینگدا

نیچه گون دیر كی من قیشی ساییرام

تا یاز گله بیر دسته گول قاییرام

هر باغچانینگ قونچا گولون آییرام

وئرم سنه منی یاخچی گؤیردن

گؤز یاشینی روان ائدن سوواردان

آخان سویانگ بیلمم هاردان آخمیشانگ

ایراق چؤلدن یا داغلاردان آخمیشانگ

ئیردن جوشوب یاكی قاردان آخمیشانگ

فقط سئیرم بیزیم چؤلدن گئدمینگ

ئیر اوزونده روان اولانگ باتمایانگ

اوجه داغانگ، هیچ باشینگا ال چاتمامیش

گونونگ چالان دمدن هنوز باتمامیش

تا ایشیقنگ اویاق فرود یاتمامیش

خزان چاغی یاشیل باشینگ من گوره م

باشیم قورام دامانینگدا جان وه رم

  بوسه، پیام محبت است؛ شعر ناسروده عشق است؛ تبلور بالاترین تکریم است؛ جلوه عملی عاطفه هاست. پدر و مادر بی شمارترین بوسه های محبت آمیز را از کودکی نثارمان کردند. اکنون که نهال وجود ما از آن محبت ها به پا ایستاده است و درخت زندگی آنان رو به فرسودگی نهاده، باید بهترین محبت ها و بی شائبه ترین عواطف را نثارشان کنیم. بوسیدن ابزار این مهر ورزیدن است. ...